Offeni Kommunikation

(c) uniterre

von Jakob Alt, Biobauer

Händ ez aber huere gschiid gredt
die zwee Härre
im hindere Abteil
vo Marktchance
Marktuftritt
Positionierig und Labeling –
müend Wirschaftsexperte sii
hani tänkt
bis dänn eine vonere chalberchueh
aafaht prichte –
ja ja
s adäquate wörding
hani tänkt
dank Undernämerbildig
fachsimpled die eso

De Mani Matter
isch mer in Sinn cho
wo gschribe hät
Die Abstraktion nährt den Hochmut
nährt
hät er gschribe
nüt vo evoziert
oder generiert –
isch halt ebe
kän Puur gsi

Links:

2011 sang Jakob Alt gegen die Industrialisierung der Landwirtschaft und die Erhöhung der Milchpreise auf dem Bundesplatz:

zu Gast bei Radio SRF, Jan. 09: Der Wörking Puur Jakob Alt >>>